«Бавария» бош мураббийи Венсан Компани Чемпионлар лигаси регламентига ўзгартириш киритиш таклифи билан чиқди.
Бельгиялик мутахассиснинг фикрича, мусобақада учта сариқ карточкадан сўнг дисквалификация қилиниши — ўта қаттиққўл қоида.
«Гуруҳ босқичида ўйинлар сони ортди, аммо учта сариқ карточка қоидаси ҳали ҳам амал қилмоқда. Агар сиз марказий ҳимоячи бўла туриб, мусобақанинг бу босқичигача учта карточка билан етиб келган бўлсангиз — бу анча яхши кўрсаткич, лекин шунда ҳам ярим финални ўтказиб юборишингиз мумкин. Менимча, бу ҳаддан ташқари кўп. Ҳакамларнинг қарори нотўғри бўлиши мумкин ва бундай қоидалар билан ҳимоя маркази ўйинчилари учун дисквалификациядан қочиб қутулишнинг деярли иложи йўқ. Эҳтимол, кейинги мавсумдан буни ўзгартиришар», — дея журналист Флориан Плеттенберг Компанининг сўзларини келтирмоқда.
Чоршанба куни Чемпионлар лигаси чорак финали доирасида «Бавария» ва Мадриднинг «Реал» жамоалари ўртасидаги жавоб учрашуви бўлиб ўтади.
