"Манчестер Юнайтед" ҳимоячиси Харри Магуайр Англия Премьер-лигасининг 33-тури доирасидаги "Челси"га қарши ўйинда иштирок этмайди. The Athletic хабарига кўра, Футбол ассоциацияси футболчининг дисквалификациясини бекор қилмасликка қарор қилган.
Магуайр Англия чемпионатининг 32-турида "Борнмут"га қарши баҳсда қизил карточка олган эди. Ҳимоячи майдондан четлатилганидан сўнг тўртинчи ҳакам Мэтт Донахью манзилига ҳақоратли сўзлар ишлатган.
Жорий мавсумда Харри Магуайр "Манчестер Юнайтед" сафида барча мусобақаларда 20 та ўйинда майдонга тушиб, иккита гол урди ва битта голли узатмани амалга оширди. Унинг "қизил иблислар" билан шартномаси 2027 йил 30 июнгача амал қилади. Transfermarkt портали ҳимоячининг нархини 10 миллион еврога баҳоламоқда.
