"Челси"нинг собиқ футболчиси Жоди Моррис Лондон клубининг муаммолари ҳақида ўз фикри билан ўртоқлашди.
"Менимча, "Челси"да анчадан бери етакчилар етишмаяпти. Кейин эса, етакчи деб ҳисобланиши мумкин бўлган икки кишига — Марк Кукурелья ва Энцо Фернандесга қараганингизда, уларнинг клубдан ёки режимдан норозилиги, ёхуд клубда содир бўлаётган маълум нарсалардан ҳафсаласи пир бўлгани ҳақидаги изоҳларини эшитсангиз: "Бу етакчилик белгиси эмас шекилли", деб ўйлаб қоласиз", — дея Морриснинг сўзларини келтирмоқда Sky Sports.
Ҳозирги вақтда "Челси" Англия чемпионати турнир жадвалида 32 турдан сўнг 48 очко жамғариб, олтинчи ўринда бормоқда. Клубни ҳозирда Лиам Росеньор бошқармоқда.
