«Арсенал»нинг собиқ футболчиси Пол Мерсон «Манчестер Юнайтед»нинг кейинги мавсумдаги ўйинларидан нималар кутаётгани билан ўртоқлашди.

«Кейинги мавсумда «Манчестер Юнайтед» чемпионлик учун курашишга тайёр деб ўйламайман. Уларга яна бир нечта янги ўйинчилар керак. Ҳозирги таркиб билан улар 38 та ўйин давомида рақобатбардош бўла олишларини кўрмаяпман. «Манчестер Юнайтед»нинг асосий эътибори фақат Чемпионлар Лигасига қайтишга қаратилиши керак. Агар улар ушбу мусобақада қола олишса, бу таркибни шакллантириш учун яхшигина маблағ беради. Ҳозир биз уларнинг ҳафтада фақат бир марта ўйнашига ўрганиб қолдик, лекин бу клуб бўлиши керак бўлган жой эмас ва улар тезроқ чўққига қайтишлари лозим», — деди Мерсон Metro нашрига берган интервьюсида.

Ҳозирги вақтда «Манчестер Юнайтед» Англия чемпионати турнир жадвалида 32 турдан сўнг 55 очко жамғариб, учинчи ўринни эгаллаб турибди.