«Атлетико» ҳужумчиси Хулиан Альварес «Арсенал»нинг қизиқишлари доирасида бўлиб турибди. Экрем Конурнинг маълумотларига кўра, лондонликлар аргентиналик футболчини қўлга киритиш учун шу ёзда бирданига икки ўйинчисини сотиб юборишга тайёр.
Гап Кай Хаверц ва Габриэль Жезус ҳақида кетмоқда. Шу тариқа «канонирлар» Альвареснинг 120 миллион еврога баҳоланаётган потенциал трансферини молиялаштирмоқчи.
Хулиан Альварес 2024 йилда «Манчестер Сити»дан «Атлетико»га 75 миллион евро эвазига ўтган эди. Унинг мадридликлар билан шартномаси 2030 йил 30 июнгача мўлжалланган. Жорий мавсумда ҳужумчи «матрасчилар» сафида барча мусобақаларда 46 та ўйинда қатнашиб, 18 та гол урди ва тўққизта голли узатмани амалга оширди.
