Ҳимоячи Стефан де Врей катта эҳтимол билан жорий мавсум якунланганидан кейин «Интер»ни тарк этади. la Repubblica нашрининг маълумотларига кўра, Милан клуби голландиялик футболчи билан шартномани узайтирмайди. Унинг «Ал-Садд» клубига ўтиши кутилмоқда.

«Интер» де Врейнинг ўрнига ўринбосар сифатида «Рома» ҳимоячиси Жанлука Манчини номзодини кўриб чиқмоқда.

Жанлука Манчини 2020 йилда «Аталанта»дан 24 миллион евро эвазига «Рома»га ўтган эди. Унинг «бўрилар» билан амалдаги шартномаси 2027 йил 30 июнгача мўлжалланган.

Жорий мавсумда 29 ёшли футболчи Рим клуби сафида барча мусобақаларда 39 та ўйинда қатнашиб, 2 та гол урди ва 2 та голли узатмани амалга оширди. Transfermarkt портали Манчинининг қийматини 15 миллион еврога баҳоламоқда.