Халқаро спорт тадқиқотлари маркази (CIES Football Observatory) футбол ишқибозларини навбатдаги қизиқарли маълумот билан хушнуд этди. Унда 23 ёшгача бўлган энг кучли майдон футболчилари рейтинги тақдим этилган. Рейтингни тузишда футболчиларнинг охирги ярим йил давомидаги иштироклари инобатга олинган.
Рейтингнинг энг юқори поғонасидан «Барселона» вингери Ламин Ямал жой олди. Иккинчи ўринни «Ювентус» ҳужумкор ярим ҳимоячиси Кенан Йилдиз эгаллаган бўлса, кучли учликни «ПСЖ» хавбеки Уоррен Заир-Эмери якунлаб берди.
Шунингдек, кучли ўнталикдан (топ-10) кетма-кетликда қуйидаги футболчилар жой олган: Флориан Вирц, Пау Кубарси, Жуде Беллингем, Алехандро Бальде, Александр Павлович, Фермин Лопес ва Райан Шерки.
