Букайо Сака жароҳати туфайли «Арсенал»нинг сўнгги бир нечта ўйинларини ўтказиб юборди. Лондон жамоаси бош мураббийи Микель Артета футболчининг ҳолати ҳақида маълумот берди.
«У анча вақтдан бери ахилл пайидаги муаммо билан ўйнаб келаётган эди. Ҳозирда ижобий ўзгаришлар бор ва умид қиламанки, бу ҳафталар эмас, балки кунлар масаласи. Сака тикланиш жараёнидаги юкламалар ортишига қандай реакция билдиришини кузатишимиз керак», — дея Артетанинг сўзларини келтиради Goal портали.
Чоршанба куни «Арсенал» ўз майдонида Чемпионлар лигаси доирасида «Спортинг»га қарши баҳс олиб боради. Букайо Сака кутилганидек қайдномага киритилмади.
