2025/26 йилги мавсум Чемпионлар лигасининг чорак финал жавоб ўйинлари якунланиб, мусобақанинг ярим финалига йўл олган барча жамоалар номи маълум бўлди.

Чоршанба, 15 апрель кунги баҳсларда «Арсенал» ўз майдонида «Спортинг» билан дуранг ўйнаб (0:0, умумий ҳисоб — 1:0), кейинги босқичга чиқди. «Бавария» эса голларга бой бўлган учрашувда «Реал»ни мағлуб этди (4:3, умумий ҳисоб — 6:4) ва ярим финал йўлланмасини қўлга киритди.

Эслатиб ўтамиз, сешанба, 14 апрель куни Мадриднинг «Атлетико» клуби «Барселона» тўсиғидан ўтган бўлса (2:0, 1:2), «ПСЖ» икки ўйинда ҳам «Ливерпуль»дан устун келди (2:0, 2:0).

Ярим финал жуфтликлари:

• «Бавария» (Германия) — «ПСЖ» (Франция)

• «Арсенал» (Англия) — «Атлетико» (Испания)

Ўйинларнинг аниқ саналари тез орада УЕФА томонидан эълон қилинади.

2025/26 йилги Чемпионлар лигасининг финал учрашуви 30 май куни Будапештдаги (Венгрия) муҳташам «Пушкаш Арена» стадионида бўлиб ўтади.