Мадриднинг «Реал» клуби бош мураббийи Альваро Арбелоа жамоасининг Чемпионлар Лигасидан чиқиб кетганини тан олди, бироқ шу билан бирга, иккинчи бўлим сўнггида ҳакамнинг Эдуардо Камавингани майдондан четлатиш ҳақидаги қароридан ғазабда эканини яширмади.
«Мен «Бавария»ни табриклайман, лекин улар бизни адолатсиз равишда мағлуб этишди... шу сабабли мен ғазабдаман», — дея Арбелоанинг сўзларини The Touchline нашри келтирмоқда.
Эслатиб ўтамиз, Камавинга четлатилган вақтда «Реал» Мюнхенда 3:2 ҳисобида олдинда бораётган эди. Агар ўйин шу ҳисоб билан тугаганида, баҳс қўшимча бўлимларга ўтарди. Бироқ, «қаймоқранглилар» камчилик бўлиб қолгач, иккита гол ўтказиб юборишди ва 3:4 ҳисобида мағлуб бўлишди. Икки ўйин натижасига кўра эса ҳисоб — 4:6.
Арбелоанинг фикрича, айнан ҳакамнинг қарори ўйин тақдирини «Бавария» фойдасига ҳал қилиб қўйган.
