«Бавария» бош мураббийи Венсан Компани Мадриднинг «Реал» клубига қарши кечган учрашувда сариқ карточка олди.
Бельгиялик мутахассис «қаймоқранглилар» гол урган вазиятда ҳужум бошланишидан олдин Йосип Станишичга нисбатан қўполлик ишлатилган деб ҳисоблади ва ўз норозилигини кескин ифода этди. Ҳакам мураббийга огоҳлантириш кўрсатди, натижада у «ПСЖ»га қарши бўлиб ўтадиган дастлабки ярим финал баҳсини ўтказиб юборишига тўғри келади.
«Мен доимо майдон четида хотиржамликни сақлашга ҳаракат қиламан, лекин футболчинг ерда ётган вақтда [рақиб гол ураётганда] норозилик билдиришни мутлақо нормал ҳолат деб ҳисоблайман. Бунинг учун менга карточка кўрсатилганидан ҳайратда қолдим», – дея Компанининг сўзларини келтирмоқда Bayern & Germany.
«Бавария» «Реал»ни умумий 6:4 ҳисобида мағлуб этди. «ПСЖ» билан ўйинлар 28 апрель ва 6 май кунлари бўлиб ўтади.
