Мадриднинг «Реал» клуби ҳимоячиси Даниэль Карвахаль Чемпионлар лигаси чорак финали доирасидаги «Бавария»га қарши кечган баҳс якунида ўзини тутиб тура олмади.

Мюнхендаги жавоб учрашувининг 86-дақиқасида Эдуардо Камавинга майдондан четлатилгани сабабли «қаймоқранглилар» бир киши кам бўлиб қолишди. Ўша пайтда таблода мадридликлар фойдасига 3:2 ҳисоби порлаб турган эди (икки ўйин натижасига кўра 4:4), бироқ иш қўшимча бўлимларгача етиб бормади: «Бавария» сон жиҳатдан устунликдан фойдаланиб, иккита гол урди ва ярим финалга йўл олди. Ғолиб масаласи ҳал бўлиб улгурган вазиятда, ғазаб отига минган Карвахаль очиқчасга ҳакам Славко Винчичга эътироз билдира бошлади: «Биз сенинг хатонг туфайли мусобақадан чиқиб кетяпмиз! Сенинг лаънати хатонг туфайли!», — дея бақирди ўйин давомида захирада қолган испаниялик футболчи.

Карвахаль дисквалификация қилиниши мумкин. Бундан аввал ҳам 34 ёшли ўйинчи майдон ташқарисидаги тажовузкор хатти-ҳаракатлари учун жазоланган эди.