«Бавария» футболчиси Луис Диас Мадриднинг «Реал» клубига қарши кечган чорак финал жавоб учрашувидаги (4:3) голи ҳақида фикр билдирди.

Айнан колумбиялик футболчининг аниқ зарбаси ҳал қилувчи аҳамиятга эга бўлди: вингер 89-дақиқада гол уриб, икки ўйин натижасига кўра жамоасини олдинга олиб чиқди. 94-дақиқада эса Майкл Олисе муваффақиятни мустаҳкамлади — қарама-қаршилик якунида ҳисоб 6:4 кўринишини олди.

«Бу гол фаолиятимдаги энг муҳим учта голдан бири ҳисобланади. Барча муҳим голларимни эсласам, ушбу гол урилган вақтини инобатга олган ҳолда, уни энг севимлиларимдан бири деб бемалол айта оламан. Бу жуда қийин ўйин бўлди, бизга ғалаба сув ва ҳаводек зарур эди. Бахтимизга, мен гол урдим ва жамоанинг кейинги босқичга чиқишига ёрдам бердим», — деди Диас ESPN нашрига берган интервьюсида.

29 ёшли футболчи жорий мавсум бошланиши олдидан «Ливерпул»дан «Бавария»га кўчиб ўтган эди.