Лондоннинг «Арсенал» клуби икки ўйин натижасига кўра Лиссабоннинг «Спортинг» жамоасидан устун келиб, Чемпионлар лигаси ярим финалига йўл олди. «Канонирлар» ўтган ҳафта Португалияда ғалаба қозонишган эди (1:0), ўз уйларида эса голсиз дуранг (0:0) қайд этиб, керакли натижани сақлаб қолишди.

«Биз бежизга Чемпионлар лигаси ярим финалидаги ягона Англия жамоасига айланганимиз йўқ. Ҳа, биз идеал эмасдик, ҳали устида ишлайдиган жиҳатларимиз бор, лекин футболчиларимиз эришган натижани қадрлашимиз керак», — дея «Арсенал» бош мураббийи Микель Артетанинг сўзларини келтирмоқда журналист Фабрицио Романо.

Европанинг энг нуфузли клублар турнири ярим финалида Лондон гранди Мадриднинг «Атлетико» клуби билан тўқнаш келади. Учрашувлар 29 апрель ва 5 май кунлари бўлиб ўтади.