Лондоннинг «Арсенал» клуби бош мураббийи Микель Артета футболчиларнинг Премьер-лига доирасида «Борнмут»дан қабул қилинган ўз уйидаги мағлубиятга (1:2) нисбатан муносабати ҳақида гапирди.
«Футболчиларнинг «Борнмут»дан учралган мағлубиятга кўрсатган реакцияси менга манзур бўлди. Ўйиндан сўнг ҳамма йиғилди, вазиятни биргаликда таҳлил қилдик, барча гаплар бир-биримизнинг юзимизга очиқ айтилди ва тегишли чоралар кўрилди. Энди биз ушбу сўзларни амалда исботлашимиз керак», — дея Артетанинг сўзларини келтирмоқда журналист Фабрицио Романо.













