«Бавария» ҳужумчиси Харри Кейн «Реал»га қарши кечган ўйиндан (4:3) сўнг жамоадоши Майкл Олисе ҳақида ўз фикрлари билан ўртоқлашди.

«Менимча, Олисе — дунёдаги энг яхши вингер. У кўплаб вазиятлар яратади ва рақибни алдаб ўтишдан қўрқмайди. Назаримда, у Луис Диас билан биргаликда жамоамизнинг асосий ўйинчиларидан биридир. Очиғини айтганда, у «Бавария»га ўтган вақтидан бери ажойиб ўйин кўрсатмоқда — бу клуб учун чиндан ҳам зўр харид бўлди», — дея Кейннинг сўзларини келтирмоқда Topskills Sports UK.

Олисе 2024 йилнинг ёзида «Кристал Пэлас»дан 53 миллион евро эвазига «Бавария» аъзосига айланган эди. Жорий мавсумда вингер барча мусобақаларда 43 та ўйинда майдонга тушиб, 18 бор рақиблар дарвозасини ишғол қилди ва 29 та голли узатмани ўз ҳисобига ёздириб қўйди.