«Bavariya» hujumchisi Xarri Keyn «Real»ga qarshi kechgan o‘yindan (4:3) so‘ng jamoadoshi Maykl Olise haqida o‘z fikrlari bilan o‘rtoqlashdi.

«Menimcha, Olise — dunyodagi eng yaxshi vinger. U ko‘plab vaziyatlar yaratadi va raqibni aldab o‘tishdan qo‘rqmaydi. Nazarimda, u Luis Dias bilan birgalikda jamoamizning asosiy o‘yinchilaridan biridir. Ochig‘ini aytganda, u «Bavariya»ga o‘tgan vaqtidan beri ajoyib o‘yin ko‘rsatmoqda — bu klub uchun chindan ham zo‘r xarid bo‘ldi», — deya Keynning so‘zlarini keltirmoqda Topskills Sports UK.

Olise 2024 yilning yozida «Kristal Pelas»dan 53 million yevro evaziga «Bavariya» a’zosiga aylangan edi. Joriy mavsumda vinger barcha musobaqalarda 43 ta o‘yinda maydonga tushib, 18 bor raqiblar darvozasini ishg‘ol qildi va 29 ta golli uzatmani o‘z hisobiga yozdirib qo‘ydi.