Исмаэль Беннасер Загребнинг «Динамо» клубидаги ижара муддати тугагач, яна «Милан» ихтиёрига қайтади. Gazzetta dello Sport нашрининг ёзишича, Хорватия клуби футболчини 15 миллион еврога сотиб олиш ҳуқуқидан фойдаланмасликка қарор қилган.

«Милан» жазоирилик футболчини сотиб юбормоқчи, бироқ унинг йиллик 4 миллион евролик маоши бунга тўсқинлик қилмоқда. Бундай маошни фақат Саудия Арабистони клублари тўлаши мумкин.

Беннасернинг «россонерилар» билан шартномаси 2027 йилнинг ёзигача амал қилади. У жорий мавсум «Динамо» сафида 13 та ўйинда майдонга тушиб, битта гол ва иккита ассист қайд этган.