«Болонья» бош мураббийи Винченцо Итальяно бошқа жамоаларнинг эътиборига тушди.
Инсайдер Николо Скиранинг маълумотларига кўра, 48 ёшли мутахассисга «Наполи» қизиқиш билдирмоқда. Неаполь клуби бир неча йилдан бери мураббийнинг муваффақиятларини кузатиб келади. Бундан ташқари, Итальянога «Борнмут» ва «Милан» каби бошқа жамоалар ҳам қизиқиш билдирмоқда. Унинг «Болонья» билан амалдаги шартномаси 2027 йилнинг ёзига қадар мўлжалланган.
Винченцо Итальяно «Болонья» бошқарувини 2024 йилда қўлга олган эди. Ўтган мавсумда жамоа унинг қўл остида Италия Кубогида ғолиб чиқди. Жорий мавсумда эса «Болонья» А Серия турнир жадвалида 32 турдан сўнг 48 очко жамғариб, саккизинчи ўринни эгаллаб турибди.
