Нидерландия терма жамоаси бош мураббийи Рональд Куман "Барселона" марказий ярим ҳимоячиси Френки де Йонг ҳақида ўз фикрларини билдирди.
"Илтимос, Френки де Йонгга яна ортиқча медиа босими қўйманг.
Менимча, бу адолатдан эмас.
Мен барча матбуотни ёки барча жамоаларни кузатмайман, лекин шуни биламанки, Френки ўйнаганида ҳар доим ундан аниқ рақамлар ёки муайян даражадаги ўйин талаб қилинади", - деди Куман.
28 ёшли нидерландиялик ярим ҳимоячи жорий мавсумда жами 33 та ўйинда 1 та гол уриб, 8 та голли узатма амалга оширди.













