«Ливерпуль» ҳужумчиси Уго Экитике Чемпионлар лигаси доирасида «ПСЖ»га қарши ўйинда товони пайини узиб олди. Ушбу жароҳат туфайли франциялик форвард ЖЧ-2026 ўйинларини ҳам ўтказиб юборадиган бўлди.
«Бу жуда оғир, балки адолатсизликдир... Лекин бу ҳолат айнан шу ерда, сизларнинг орангизда юз берганидан миннатдорман. Мен ёлғиз эмасман. Сизларнинг куч-қувватингиз ва меҳрингиз мени олдинга бошлашда давом этади. Тез орада кўришамиз», деди футболчи.
Экитике 2025 йилнинг ёзида «қизиллар» сафига келиб қўшилган эди. 23 ёшли ҳужумчи жамоа таркибида 45 та ўйинда майдонга тушиб, 17 та гол ва 6 та ассист қайд этган.
