Германия терма жамоаси бош мураббийи Юлиан Нагельсман ўз кучини Англия Премьер-лигасида синаб кўрмоқчи. TEAMtalk нашрининг хабарига кўра, воситачилар 38 ёшли мутахассис номзодини «Ливерпуль», «Манчестер Сити», «Челси» ва «Арсенал» клубларига таклиф қилишган.
«Ливерпуль», «Арсенал» ва «Челси»: Бу клублар ҳозирча таклифга жавоб беришмаган. Кутилишича, улар амалдаги мураббийларини қўллаб-қувватлашда давом этадилар.
«Манчестер Сити»: «Шаҳарликлар» Хосеп Гвардиоланинг келажаги борасидаги қарорини кутишмоқда. Клуб испан мутахассиси кетишга қарор қилган тақдирда Нагельсманни потенциал номзод сифатида кўриб чиқиши мумкин.
Эслатиб ўтамиз, Нагельсман 2023 йил сентябридан буён Германия терма жамоасини бошқариб келмоқда ва унинг амалдаги шартномаси 2028 йилнинг ёзигача мўлжалланган.
