Париж клуби асосий таркибнинг бир қатор ўйинчилари билан келишувни узайтиришга яқин турибди. Инсайдер Фабрис Хоукинснинг ижтимоий тармоқлардаги саҳифасида ёзишича, вазият қуйидагича:
Фабиан Руис: Бир йиллик янги шартнома имзолади (унга яна бир йилга узайтириш имконияти қўшилган).
Лукас Бералдо: 2030 йилгача мўлжалланган узоқ муддатли келишувга жуда яқин.
Усмон Дембеле, Маюлу ва Баркола: Бу футболчилар билан музокаралар ҳали ҳам давом этмоқда.
Эслатиб ўтамиз, ҳозирда «ПСЖ» Франция чемпионатида (Лига 1) 63 очко билан пешқадамлик қилмоқда. Чемпионлар лигасида эса жамоа ярим финалга йўл олди ва у ерда Мюнхеннинг «Бавария» клуби билан куч синашади.
