Чемпионлар лигаси ярим финалида «Арсенал» «Атлетико» билан баҳс олиб боради. Октябрь ойида жамоалар умумий босқичда тўқнаш келишган ва ўшанда «канонирлар» ўз майдонида 4:0 ҳисобида ғалаба қозонган эди. «Матрасчилар» билан бўладиган янги учрашув ҳақида «Арсенал» ярим ҳимоячиси Мартин Субименди ўз фикрларини билдирди.

«Атлетико» – жуда рақобатбардош, ўз кучига ишонадиган ва таркибида юқори савияли ўйинчилари бор жамоа. Умумий босқичдаги ўйин энди ўтмишда қолди. Ҳозирда «Атлетико» жуда кучли жамоага эга. Биз ўта эҳтиёткор бўлишимиз керак», - деди Субименди Cadena SERга берган интервьюсида.

«Атлетико» ва «Арсенал» ўртасидаги дастлабки ўйин 29 апрель куни Мадридда, жавоб баҳси эса 5 май куни Лондонда бўлиб ўтади.