Chempionlar ligasi yarim finalida «Arsenal» «Atletiko» bilan bahs olib boradi. Oktyabr oyida jamoalar umumiy bosqichda to‘qnash kelishgan va o‘shanda «kanonirlar» o‘z maydonida 4:0 hisobida g‘alaba qozongan edi. «Matraschilar» bilan bo‘ladigan yangi uchrashuv haqida «Arsenal» yarim himoyachisi Martin Subimendi o‘z fikrlarini bildirdi.

«Atletiko» – juda raqobatbardosh, o‘z kuchiga ishonadigan va tarkibida yuqori saviyali o‘yinchilari bor jamoa. Umumiy bosqichdagi o‘yin endi o‘tmishda qoldi. Hozirda «Atletiko» juda kuchli jamoaga ega. Biz o‘ta ehtiyotkor bo‘lishimiz kerak», - dedi Subimendi Cadena SERga bergan intervyusida.

«Atletiko» va «Arsenal» o‘rtasidagi dastlabki o‘yin 29 aprel kuni Madridda, javob bahsi esa 5 may kuni Londonda bo‘lib o‘tadi.