«Арсенал» аниқ пасайишни бошдан кечирмоқда, аммо жамоа ярим ҳимоячиси Мартин Субименди ижобий кайфиятда.

«Сўнгги ҳафталар ғалати ўтди, лекин мавсум бошида [мавсумнинг айни пайтидаги] бундай ҳолатга иккиланмай рози бўлган бўлардик. Ҳали яхшилашимиз керак бўлган жиҳатлар бор. Ҳужумнинг якуний учдан бир қисмида кўпроқ аниқлик керак. Хайриятки, биз ҳали ҳам яхши ҳимояланяпмиз ва ишончли ўйин кўрсатяпмиз», — деди Субименди Cadena SERга.

«Арсенал» куни кеча ўз майдонида «Спортинг» билан дуранг ўйнади — 0:0. Микель Артета жамоаси икки ўйин натижасига кўра (1:0) Чемпионлар лигаси ярим финалига йўл олди. 1/2 финалда «канонирлар» «Атлетико»га қарши баҳс олиб боришади.