Миланнинг «Интер» клуби ярим ҳимоячи Хакан Чалханўғли билан шартнома 2027 йилда якунига етса-да, ҳамкорликни давом эттиришга қарор қилди.

Клуб эгалари 30 ёшдан ошган футболчилар билан шартномани узайтиришни маъқуллашмайди, бироқ туркиялик футболчини сотиб юбориш фикридан ҳам воз кечишган кўринади. Журналист Паскуале Гуарронинг маълумотларига кўра, «нерадзуррилар» спорт раҳбарияти «Oaktree» фондини Чалханўғлини амалдаги келишуви якунлангунга қадар жамоада олиб қолиш мақсадга мувофиқ эканлигига ишонтирган. Шу тариқа, ярим ҳимоячи кейинги мавсум охиригача қолади ва шундан сўнг эркин агент сифатида жамоани тарк этади. 32 ёшли футболчининг ўзи ҳам воқеаларнинг бундай ривожига қарши эмас.

Маълумки, бош мураббий Кристиан Киву Хаканни жамоа учун энг муҳим фигура деб ҳисоблайди ва уни олиб қолиш тарафдори бўлиб чиқмоқда.