«Бетис» бош мураббийи Мануэль Пеллегрини Европа Лигаси 1/4 финал жавоб учрашувида Португалиянинг «Брага» жамоасидан қабул қилинган мағлубиятдан сўнг сўз топишга қийналди.
«Бетис» сафардаги дурангдан сўнг, ўз майдонида кечган баҳснинг биринчи бўлими давомида 2:0 ҳисобида олдинда бораётган эди, бироқ ўз дарвозасидан тўртта тўп олиб чиқишга мажбур бўлди. Пеллегринининг фикрича, кутилмаган ва ғалати тарзда ўтказиб юборилган биринчи жавоб голи ўйин тақдирида ҳал қилувчи ролни ўйнаган.
«Икки марказий ҳимоячимиз бир-бири билан тўқнашиб кетди ва бу жавоб голига олиб келди. Кийиниш хонасида биз айнан шу гол туфайли жуда қаттиқ хавотирга тушдик», — дея мутахассиснинг сўзларини келтиради УЕФА матбуот хизмати.
Кейинги иккита ўтказиб юборилган тўпга тўхталар экан, Пеллегрини уларга сабаб бўлган пенальти ва бурчак тўпини «кераксиз» деб атади. Шундан сўнг «Бетис» ўз-ўзига кела олмаган.
