«Betis» bosh murabbiyi Manuel Pellegrini Yevropa Ligasi 1/4 final javob uchrashuvida Portugaliyaning «Braga» jamoasidan qabul qilingan mag‘lubiyatdan so‘ng so‘z topishga qiynaldi.
«Betis» safardagi durangdan so‘ng, o‘z maydonida kechgan bahsning birinchi bo‘limi davomida 2:0 hisobida oldinda borayotgan edi, biroq o‘z darvozasidan to‘rtta to‘p olib chiqishga majbur bo‘ldi. Pellegrinining fikricha, kutilmagan va g‘alati tarzda o‘tkazib yuborilgan birinchi javob goli o‘yin taqdirida hal qiluvchi rolni o‘ynagan.
«Ikki markaziy himoyachimiz bir-biri bilan to‘qnashib ketdi va bu javob goliga olib keldi. Kiyinish xonasida biz aynan shu gol tufayli juda qattiq xavotirga tushdik», — deya mutaxassisning so‘zlarini keltiradi UEFA matbuot xizmati.
Keyingi ikkita o‘tkazib yuborilgan to‘pga to‘xtalar ekan, Pellegrini ularga sabab bo‘lgan penalti va burchak to‘pini «keraksiz» deb atadi. Shundan so‘ng «Betis» o‘z-o‘ziga kela olmagan.
