«Ноттингем Форест» устози Витор Перейра Европа Лигаси чорак финалидан ўрин олган «Порту»га қарши жавоб учрашувидаги ғалабадан сўнг (1:0) ўз фикрларини билдириб ўтди. Ушбу натижа эвазига «ўрмончилар» мусобақанинг кейинги босқичига йўл олдилар.
«Ҳозирда бизда ажойиб жамоа шаклланган. У характер ва зарур маҳоратга эга. Биз бу муваффақиятга лойиқ эдик. Жамоам ва мухлисларимиз билан фахрланаман. Биргаликда биз буни уддалай олдик», — дея мутахассиснинг сўзларини келтиради УЕФА матбуот хизмати.
Европа Лигасининг ярим финал босқичида «Ноттингем Форест» Бирмингемнинг «Астон Вилла» жамоаси билан куч синашади. Илк тўқнашув 30 апрель куни бўлиб ўтса, жавоб учрашуви 7 майга белгиланган.
