Мадриднинг «Реал» клуби ўнг қанот ҳимоячиси Трент Александер-Арнольд ёзги трансфер ойнасида ҳеч қаерга кетмайди.

Англиялик футболчининг Испанияга кўчиб ўтгандан кейинги илк мавсуми турлича таассурот қолдирмоқда: у асосий таркибга дарров киришиб кета олмади, жамоа эса мавсумни совринсиз якунлаш хавфи остида турибди. Бироқ, барча миш-мишларга қарамай, «Реал» Трентнинг ўйинларидан мамнун. 27 ёшли футболчи яқин келажакда клубни тарк этмаслиги аниқ — унинг кетиши борасида ҳатто музокара ҳам олиб борилмаяпти.

Александр-Арнольд ўтган йил ёзи бошида «Ливерпуль»дан «қаймоқранглилар» сафига келиб қўшилган эди. Футболчининг Ла Лига гранди билан тузилган меҳнат шартномаси 2031 йилгача мўлжалланган.