«Барселона» дарвозабони Войцех Шесни жамоанинг Чемпионлар лигасидан чиқиб кетгани ва келгусидаги режалари ҳақида гапирди.

«Кўк-анорранглилар» чорак финалнинг дастлабки учрашувидаги 0:2 ҳисобидаги мағлубиятдан сўнг, «Атлетико» билан кечган жавоб баҳсида (2:1) вазиятни ўнглай олмадилар.

«Афсуски, «Атлетико»га қарши икки ўйинда жамоанинг қилган ҳаракатлари етарли бўлмади. Энди ўзимизга бўлган ишончни сақлаб қолишимиз ва Ла Лигада ғалабани таъминлашимиз керак – мавсумнинг қолган қисмидаги асосий мақсадимиз шу. Бор эътиборни чемпионатга қаратишимиз лозим.

Албатта, Чемпионлар лигасидан чиқиб кетиш — маҳзунлик, чунки биз турнирда ғолиб чиқишга умид қилгандик, лекин мен жамоанинг иштиёқи ва ҳаракатлари билан фахрланаман. Энди мағлубиятни мардларча тан олиб, олдинга интилиш қолди, холос», – деди Шесни ўз интервьюсида.

«Барселона» Испания чемпионати турнир жадвалида пешқадамлик қилмоқда ва мавсум якунига етти тур қолганда Мадриднинг «Реал» клубини 9 очкога ортда қолдирмоқда.