«Милан» жамоаси «Бавария» ярим ҳимоячиси Леон Горецкани ўз сафига қўшиб олишга умид қилмоқда.

31 ёшли футболчи мавсум якунида эркин агент мақомида бўлади — Мюнхен гранди унинг кетишини аллақачон эълон қилган. Журналист Экрем Конурнинг маълумотига кўра, айнан Горецка «россонерилар» устози Массимилиано Аллегри учун асосий трансфер мақсади бўлиб турибди. Хавбекка йилига 5 миллион евро маош билан уч йиллик шартнома таклиф этилган. Шунга қарамай, германиялик футболчига бошқа даъвогарлар ҳам йўқ эмас.

Леон Горецка 2018 йилдан бери «Бавария» шарафини ҳимоя қилиб келмоқда. Жорий мавсумда футболчи Венсан Компани бошқарувидаги жамоа сафида барча турнирларда 40 та ўйин ўтказиб, 3 та гол ва 3 та голли узатмага муаллифлик қилди.