«Реал» ҳужумчиси Килиан Мбаппе Чемпионлар лигасидан чиқиб кетганликлари ҳақида фикр билдирди.
Мадрид клуби турнирнинг чорак финалида икки ўйин натижасига кўра «Бавария»га имкониятни бой берди (1:2, 3:4).
«Биз охиригача ҳаракат қилдик, лекин бу етарли бўлмади. Бундай муҳим мусобақани тарк этиш аламли, бироқ биз келажакка қарашимиз керак. Бундай ҳолат бошқа такрорланмаслиги учун ўзимиз ҳақимизда яхшилаб ўйлаб кўришимиз лозим. Биз ҳеч қачон таслим бўлмаймиз!!!
«Мадрид»да муваффақиятсизлик ҳеч қачон танлов бўлмаган. Лекин сизга бир нарсани ваъда қиламан: биз яна ғалаба қозонишни бошлаймиз ва бу жуда тез орада содир бўлади», — деб ёзди Мбаппе.
