The Guardian нашрининг хабар беришича, Фаластин футбол ассоциацияси вакилларига ФИФА конгрессида иштирок этиш учун Канадага киришга рухсат берилмаган.
Ассоциация президенти Жибрил Ражуб билан биргаликда жами уч нафар мулозим Канадага кириш визасини ололмаган. Шундан сўнг Фаластин томони ФИФАга мурожаат қилиб, иммиграция идоралари билан музокараларда аралашиш ва ёрдам беришни сўраган.
ФИФАнинг йиллик конгресси 30 апрель куни Ванкуверда бўлиб ўтади. Манбага кўра, Фаластин вакиллари ушбу тадбирдан Исроил футбол клубларининг Ғарбий соҳилдаги (Фаластин ассоциацияси томонидан босиб олинган деб ҳисобланувчи ҳудудларда) расмий ўйинлардаги иштироки масаласини кўтариш учун ҳам фойдаланмоқчи бўлишган.
