Ўзбекистон Суперлигасининг 8-туридан ўрин олган баҳсда «Навбаҳор» меҳмонда «Локомотив» устидан ишончли ғалабага эришди.
Учрашув жуда фаол бошланди ва наманганликлар илк дақиқалардаёқ ҳисобни очишга муваффақ бўлишди. 3-дақиқада Ваня Илич жарима майдони чизиғи атрофидан аниқ зарба йўллаб, жамоасини олдинга олиб чиқди. Орадан кўп ўтмай, 16-дақиқада VAR орқали тайинланган пенальтини Русланбек Жиянов ишончли амалга ошириб, ҳисобни 0:2 кўринишига олиб келди.
Биринчи бўлимда «Навбаҳор» ўйинни тўлиқ назорат қилди. Дарвозабон Ўткир Юсупов бир нечта хавфли вазиятларда жамоасини голдан сақлаб қолди.
Иккинчи бўлимда «Локомотив» фаолликни оширишга уринди, бироқ наманганликлар ҳимояда ишончли ўйнашди. Қарши ҳужумларда эса ҳисобни йириклаштириш учун имкониятлар ҳам бўлди, аммо зарбаларга аниқлик етишмади.
Қолган дақиқаларда ҳисоб ўзгармади ва «Навбаҳор» 2:0 ҳисобида муҳим ғалабани қўлга киритди. Кападзе жамоаси ушбу ғалаба эвазига ўз очколарини 18 тага етказиб, вақтинчалик бўлса-да 1-ўринга кўтарилиб олди.
Ўзбекистон Суперлигаси, 8-тур
17 апрель 2026 йил.
«Локомотив» – «Навбаҳор» – 0:2
Голлар: Ваня Илич, 3 (0:1), Русланбек Жиянов, 16-пенальти (0:2).













