«Ливерпуль» Уго Экитикени узоқ муддатга йўқотди, бироқ унинг ўрнига қарийб тўрт ойни ўтказиб юборган Александр Исак сафга қайтди. Шунга қарамай, швециялик ҳужумчи ҳали тўлиқ ўйинларни ўтказишга тайёр эмас. Бу ҳақда «қизиллар» бош мураббийи Арне Слот маълум қилди.

«Бошқа бир ҳужумчи жароҳат олган вақтда, тўрт ойдан бери сафдан чиққан Исакнинг қайтишини бундан ҳам мувофиқроқ сценарийда тасаввур қилиб бўлмасди. Алекснинг қайтгани яхши, албатта, лекин у ҳали 90 дақиқа ўйнашга тайёр эмаслигини ҳам тушуниб турибмиз», — деди Слот матбуот анжуманида.

Александр Исак охирги учта ўйинда майдонда мос равишда 12, 21 ва 45 дақиқа ҳаракат қилди. Кўриниб турибдики, швециялик футболчининг ўйин вақти босқичма-босқич ошиб бормоқда.