Ҳужумкор ярим ҳимоячи Букайо Сака бир неча ҳафтадан бери «Арсенал» лазаретида қолмоқда. Лондон клуби мухлислари футболчи «Манчестер Сити»га қарши кечадиган муҳим баҳсгача соғайиб улгуришига умид қилишган эди. Бироқ Сака Манчестердаги ўйинда иштирок этмайди.
Жума куни бўлиб ўтган матбуот анжуманида «Арсенал» бош мураббийи Микель Артета якшанба кунги баҳсда Саканинг хизматларидан фойдалана олмаслигини маълум қилди.
«Арсенал» 19 апрель куни «Манчестер Сити» меҳмони бўлади, учрашув Тошкент вақти билан соат 20:30 да бошланади. Ҳозирда «канонирлар» Премьер-лигада пешқадамлик қилмоқда, «шаҳарликлар» эса битта кам ўйин ўтказган ҳолда улардан олти очкога ортда қолмоқда.
