«Манчестер Юнайтед» бош мураббийи Майкл Кэррик Премьер-лига доирасида «Челси»га қарши бўлиб ўтадиган навбатдаги ўйин ҳақида ўз фикрларини билдирди.

«Бу муҳим ўйин. Биз турнир жадвалида яхши позицияни эгаллаб турибмиз ва бундан мустаҳкам пойдевор сифатида фойдаланмоқчимиз. «Челси»га қарши сафар ўйинлари доим қийин кечган. Уларнинг стадионида кўплаб оғир учрашувларни ўтказганмиз. Назаримда, бизни жиддий баҳс кутмоқда. Биз унга тайёр бўламиз. Яхши тайёргарлик кўрдик ва шу пайтгача эришган натижаларимиздан ишонч олмоқдамиз», — деди Кэррик журналистларга.

Айни дамда «Манчестер Юнайтед» Англия чемпионати турнир жадвалида учинчи ўринни эгаллаб турибди. «Челси»га қарши баҳс шанба куни, 18 апрель куни Лондонда бўлиб ўтади.