«Manchester Yunayted» bosh murabbiyi Maykl Kerrik Premyer-liga doirasida «Chelsi»ga qarshi bo‘lib o‘tadigan navbatdagi o‘yin haqida o‘z fikrlarini bildirdi.
«Bu muhim o‘yin. Biz turnir jadvalida yaxshi pozisiyani egallab turibmiz va bundan mustahkam poydevor sifatida foydalanmoqchimiz. «Chelsi»ga qarshi safar o‘yinlari doim qiyin kechgan. Ularning stadionida ko‘plab og‘ir uchrashuvlarni o‘tkazganmiz. Nazarimda, bizni jiddiy bahs kutmoqda. Biz unga tayyor bo‘lamiz. Yaxshi tayyorgarlik ko‘rdik va shu paytgacha erishgan natijalarimizdan ishonch olmoqdamiz», — dedi Kerrik jurnalistlarga.
Ayni damda «Manchester Yunayted» Angliya chempionati turnir jadvalida uchinchi o‘rinni egallab turibdi. «Chelsi»ga qarshi bahs shanba kuni, 18 aprel kuni Londonda bo‘lib o‘tadi.
