«Реал Мадрид» жамоаси бош мураббийи Альваро Арбелоанинг клубдаги келажаги ҳозирча ноаниқлигича қолмоқда. Жорий мавсумда совринлар йўқлигига қарамай, раҳбарият ҳали унинг тақдири бўйича якуний қарор қабул қилмаган. Бу ҳақда журналист Хосеп Педрероль El Chiringuito эфирида маълум қилди.

Манбага кўра, яқин кунларда Альваро Арбелоа ва Флорентино Перес ўртасида учрашув бўлиб ўтади. Унда мавсум давомидаги барча жараёнлар таҳлил қилиниб, тегишли хулосалар чиқарилади.

«Арбелоа лавозимидан четлатилмаган. Флорентино мураббий билан гаплашади, ҳар иккиси хулоса қилади. Клуб жамоа ичидаги муҳит мураббий назоратида эканини билади ва унинг ишини қўллаб-қувватлайди», — деди Хосеп Педрероль.

Эслатиб ўтамиз, жорий ҳафтада «Реал Мадрид» Чемпионлар лигасини чорак финал босқичида тарк этди.