Миланнинг «Интер» клуби бош мураббийи Кристиан Киву А Сериянинг 33-тури доирасида «Кальяри» устидан қозонилган ғалабадан (3:0) сўнг ўз фикрларини билдирди.
«Нерадзурри» ушбу ғалабадан сўнг муддатидан олдин Чемпионлар лигаси йўлланмасини қўлга киритди. Жума кунги баҳсда голларни Маркус Тюрам, Николо Барелла ва Пётр Зелиньски киритишди.
«Биз ушбу учрашув қанчалик муҳим эканини тушуниб тургандик. Биринчи бўлимда муаммоларга дуч келдик — тўпни жуда секин ҳаракатлантирдик. Танаффусдан сўнг эса шиддатни оширишга ва «Кальяри» мудофаасини ёриб ўтишга муваффақ бўлдик.
Оғир меҳнат амалга оширилди ва мана энди мақсадимизга эришдик — чемпионат тугашига беш тур қолганда Чемпионлар лигасига йўлланма олдик. Энди олдинга қараш ва мавсум якунигача рақобатбардош бўлиб қолиш лозим», — деди Киву Sky Sport нашрига берган интервьюсида.
