«Интер Майами» яқин истиқболда янги бош мураббий тайинлашни режалаштирмаяпти, деб хабар берди инсайдер Фабрицио Романо ўзининг Х ижтимоий тармоғидаги саҳифасида.
Манба берган маълумотларга кўра, Хавьер Маскерано кетганидан кейин жамоани қабул қилиб олган Гильермо Ойос таркибни тайёрлаш учун масъул бўлади. Клуб якуний қарор қабул қилишдан олдин, унга яқин ойлар ичида ўзини кўрсатиш учун имконият берилади.
«Интер Майами» МЛС мунтазам чемпионатининг Шарқий конференцияси турнир жадвалида 7 та ўйиндан сўнг 12 очко билан 3-ўринни эгаллаб турибди.
