Франция чемпионатининг 30-туридан ўрин олган «Тулуза»га қарши ўйинда (3:2) «Ланс» рақиб дарвозаси томон жами 42 та зарба (шундан 13 таси дарвоза соҳасига) йўллади. Opta маълумотларига кўра, бу 2006/07 йилги мавсумдан, яъни статистика портали маълумот тўплашни бошлагандан бери турнир рекорди ҳисобланади.

Шунингдек, «қон-олтин ранглилар» 2007 йилнинг 4 ноябридан буён илк бор 0:2 ҳисобида ортда қола туриб, иродали ғалабани қўлга киритишди. Ўшанда «Ланс» «Сент-Этьен» устидан 3:2 ҳисобида зафар қучган эди.

Ушбу ғалабадан сўнг «Ланс» 62 очко жамғарди ва турнир жадвалида пешқадам «ПСЖ» билан фарқни битта очкогача қисқартирди. Бироқ Париж клубининг захирасида яна иккита ўйин мавжуд.