Fransiya chempionatining 30-turidan o‘rin olgan «Tuluza»ga qarshi o‘yinda (3:2) «Lans» raqib darvozasi tomon jami 42 ta zarba (shundan 13 tasi darvoza sohasiga) yo‘lladi. Opta ma’lumotlariga ko‘ra, bu 2006/07 yilgi mavsumdan, ya’ni statistika portali ma’lumot to‘plashni boshlagandan beri turnir rekordi hisoblanadi.
Shuningdek, «qon-oltin ranglilar» 2007 yilning 4 noyabridan buyon ilk bor 0:2 hisobida ortda qola turib, irodali g‘alabani qo‘lga kiritishdi. O‘shanda «Lans» «Sent-Etyen» ustidan 3:2 hisobida zafar quchgan edi.
Ushbu g‘alabadan so‘ng «Lans» 62 ochko jamg‘ardi va turnir jadvalida peshqadam «PSJ» bilan farqni bitta ochkogacha qisqartirdi. Biroq Parij klubining zaxirasida yana ikkita o‘yin mavjud.
