talkSPORT нашрига маълум бўлишича, «Ливерпуль» «Кристал Пэлас» ярим ҳимоячиси Адам Уортонга қизиқиш билдираётган навбатдаги клубга айланди. Уортон мавсум якунланганидан кейин «Кристал Пэлас»ни тарк этиши кутилмоқда.
Лондон клуби ўз футболчиси учун камида 80 миллион фунт стерлинг талаб қилмоқда. «Ливерпуль» ярим ҳимоя чизиғини кучайтириш вариантларини кўриб чиқмоқда, чунки Кертис Жонс жамоани тарк этиши мумкин. Шу йилнинг январь ойида Жонснинг Миланнинг «Интер» клубига ўтиши ҳақида хабарлар тарқалган эди ва А Серия пешқадами келаётган ёзда бу қизиқишни яна қайта тиклаши мумкин.
Бироқ «Ливерпуль» учун Уортонни қўлга киритиш осон бўлмайди, чунки аввалроқ ушбу хавбекка «Манчестер Юнайтед» ҳам даъвогарлик қилаётгани ҳақида миш-мишлар тарқалган эди.
