«Манчестер Юнайтед» бош мураббийи Майкл Кэррик «Барселона» томонидан ижарага олинган Маркус Рэшфорднинг келажаги ҳақидаги саволга жавоб берди. Сўнгги вақтларда Каталония клубининг вингерни келишилган шартлар асосида сотиб олишни истамаётгани ҳақида хабарлар тобора кўпаймоқда. Англиялик футболчи янги мавсумни ўз қадрдон клубида бошлаши эҳтимолдан йироқ эмас.
«Шуни айтишим мумкин холос, эртами-кечми Рэшфорд бўйича бир қарорга келинади. Ҳозирги лаҳзада ҳали ҳеч нарса ҳал бўлгани йўқ», — деди Кэррик «Челси»га қарши бўлиб ўтадиган шанба кунги ўйин олдидан ўтказилган матбуот анжуманида.
Маркус Рэшфорднинг «қизил иблислар» билан амалдаги шартномаси 2028 йилнинг ўрталаригача мўлжалланган.
