«Милан» ярим ҳимоячиси Адриен Рабьо бошқа бир клубдан ўта фойдали таклиф олди. Инсайдер Николо Скиранинг хабар беришича, Саудия Арабистони чемпионатининг номи ошкор этилмаган вакили француз футболчисини катта маошли уч йиллик шартнома билан ўз томонига оғдиришга ҳаракат қилган.
Манбанинг таъкидлашича, хавбек аллақачон рад жавобини берган — у «россонерилар» сафидаги фаолиятини давом эттирмоқчи. Адриен Рабьонинг «Милан» билан меҳнат шартномаси 2028 йилнинг ўрталаригача мўлжалланган.
Жорий мавсумда 31 ёшли ўйинчи Массимилиано Аллегри жамоаси сафида барча турнирларда 26 та учрашув ўтказиб, ўз ҳисобига бешта гол ва шунча голли узатмани ёздириб қўйди.
