Миш-мишларга кўра, келаётган ёзда ҳимоячи Алессандро Бастони «Интер»ни тарк этиб, бошқа жамоага ўтади. TEAMtalk нашрининг хабар беришича, «Челси» ва «Ливерпуль» каби клублар анчадан бери Бастонининг ўйинига қизиқиш билдириб келишмоқда.
Бироқ, Премьер-лига вакиллари италиялик футболчининг асосий мақсади «Барселона»га ўтиш эканлигидан хабар топишди. 27 ёшли Бастонининг «Интер» билан амалдаги шартномаси 2028 йилнинг ўрталаригача мўлжалланган. Нуфузли Transfermarkt портали футболчини 70 миллион еврога баҳоламоқда.
Ушбу мавсумда Алессандро Бастони 37 та ўйинда майдонга тушиб, иккита гол урди ва шерикларига олтита голли узатмани амалга оширди.
