Mish-mishlarga ko‘ra, kelayotgan yozda himoyachi Alessandro Bastoni «Inter»ni tark etib, boshqa jamoaga o‘tadi. TEAMtalk nashrining xabar berishicha, «Chelsi» va «Liverpul» kabi klublar anchadan beri Bastonining o‘yiniga qiziqish bildirib kelishmoqda.
Biroq, Premyer-liga vakillari italiyalik futbolchining asosiy maqsadi «Barselona»ga o‘tish ekanligidan xabar topishdi. 27 yoshli Bastonining «Inter» bilan amaldagi shartnomasi 2028 yilning o‘rtalarigacha mo‘ljallangan. Nufuzli Transfermarkt portali futbolchini 70 million yevroga baholamoqda.
Ushbu mavsumda Alessandro Bastoni 37 ta o‘yinda maydonga tushib, ikkita gol urdi va sheriklariga oltita golli uzatmani amalga oshirdi.
